Orzular kechasi... (Super XIT) (4-sahifa)
tomonga yurishdi. Avvalda aytganimday ular kiyinish tarzida, odatiy qizlarday uyatchan emas edilar. Chugʻurlashgancha orqa oʻrindiqqa oʻtgan qizlar birin-birin meni hayratlarga solib, yuzimdan oʻpib olishdi. Yonimga oʻtirgan Zebo esa, bu dunyodagi eng tabiiy narsadek, bir koʻzini qisib qoʻydi. U kumushrang, yupqa, tor koʻylak kiygan boʻlib, chap tomonidagi, tasma yelkasidan sirgʻalib tushgan, oqibatda lifchigini bir qismi koʻrinib qolgandi. U kiyimini sozlagancha, shahvoniy jilmayib qoʻydi.
Lol! Ularni bugungi menga boʻlayotgan munosabatlaridan taajjublanib, bir-bir qarab oldim. Yuzlari qizargan, lablaridan tabassum arimaydi.
- Zebo, senlar mastmisan? - soʻradim, oʻtkir atirlar iforidan, ichganmi, chekganmi bilolmay.
- Yoʻq, - yelka qisib kuldi, - Sizni tez kelishizni kutmagandik, tezkorligizdan xursandman akajon...
ʼʼIya, bu ahmoq qurugʻidan omadimi?!ʼʼ Doim jigʻimga tegadigan ayolni, akajon deyotgani bejiz emasdir.
- Xoʻsh! - oʻgirilib orqaga koʻz tashlayman, - Maftun, sizlar muammoga duch kelganingizni aytovding, vaziyat dahshatli koʻrinmaydi-yu!
- Dahshat. Biz pulsiz qoldik, naq sakkiz tanishlarimiz bizga tupurib qoʻyishdi, axir bu muammo-ku... - u hayajonda soʻzladi, - Shunda men sizni esladim, - yuzida yoqimli tabassum paydo boʻldi, - Qizlar bilan garov oʻynadim. Sohib aka, bizni singlisidek...
- Boʻldi, tushundim. - singlisidek jumlasi qonimi qaynatib, soʻzini boʻldim, - Ishonchini oqlagan boʻlsam xursandman!
- Ha, ha... - u kulib qarsak chaldi, engashib yana yuzimdan oʻpib oldi, - Sohib akaooo! Endi siz bizni chin akamizsiz!
ʼʼErtaga kayfing tarqasin, bilamiz! Kichkina tulkicha.ʼʼ koʻnglimdan oʻtqazaman. U yana bidirlab, qolganlar bilan ham aka-singil boʻlganimizni eʼlon qiladi. Ular ham, buni tasdiqlab shovqin solib, menga diqqat qaratishdi. Zebo suzilib bilagimni silab qoʻydi.
"Oʻla, sendek singillarni boʻlganidan, erkak boʻlib oʻlganim yaxshi!ʼʼ
Ichimda gʻijinib qoʻysam-da, yuzaki jilmayib soʻrayman:
- Bebosh singiljonlarim ketaveramizmi?
-